Kurduera

Hitz Adina Mintzo Gasteizko Oihaneder Euskararen Etxeak hizkuntza gutxituak ezagutzeko 2015ean abiatutako zikloa da. Munduko errealitate soziolinguistikoaren perspektiba zabaldu eta aberastea eta hizkuntza aniztasuna balorean jartzea eta ezagutaraztea du helburu. 

 

Hilero, hiztun ezberdinek, nor bere hizkuntzan aditua, hizkuntza bat aurkezten dute. Saio bakoitzean marko teorikoa eskaintzeaz gain hizkuntzaren oinarrizko kontzeptuak ikasteko tailerrak egiten dira

 

2016ko apirilean kurduera hizkuntza ezagutu genuen Birgül Yilmazen eskutik.

Kurduera iraniar hizkuntzen adarreko hizkuntza Indoeuroparra da. Kurdistan munduko estaturik gabeko naziorik handienetako bat da eta kurduak eta kurduera hiztunak hainbat herrialdetan barreiatuta daude. Kurduera hizkuntza-talde zabala eta anitza da eta aldaera desberdinak hitz egiten dira eskualdearen arabera, zenbaitetan hizkuntza debekatuta badago ere. Hitz Adina Mintzon Ipar Kurdistanen hitz egiten den kurmanji aldaera landuko zen

Birgül Yilmaz hizkuntzalari eta ekintzaile kurdua da. Hizkuntzalaritza eta ingelera ikasketetan graduatua Londreseko Queen Mary Unibertsitatean, ondoren soziolinguistikako masterra egin zuen Londreseko King’s Collegen. Hiri bereko SOAS Unibertsitatean doktoretza-tesia amaitu berri du. Bertan Ingalaterran bizi diren Ipar Kurdistango identitateak aztertu ditu. Bere interes gaiak nazionalismoa, eleaniztasuna, aldaera estandarrak, hizkuntza ideologiak eta generoa eta hizkuntzak dira, besteak beste. Horrekin batera,  kurduen inguruko hizkuntza-ideologia aztertu du zenbait artikulutan, baita dialektoen eta aldaera batuarekiko jarrera eta bi aldaeren arteko harremana ere.

Hitz Adina Mintzo

Hitz Adina Mintzo Gasteizko Oihaneder Euskararen Etxeak hizkuntza gutxituak ezagutzeko garatzen duen zikloa da.

Munduko errealitate soziolinguistikoaren perspektiba zabaldu eta aberastea du helburu. Euskaldunok ondo dakigu zer den hizkuntza gutxitu baten hiztunak izatea. Testuinguru honetatik abiatuz, zikloak munduko hizkuntza aniztasuna balorean jarri eta ezagutarazi nahi du. 

Inaugurazioa:

Oraingoan Hitz Adina Mintzok sei hizkuntza gutxitu hurbilduko dizkigu. Europako frisiera eta kaxubiera, Amerikako kokamera eta txerokiera, zeinu hizkuntza eta esperantoa.

Urtzi Urrutikoetxea kazetari eta idazleak inauguratuko du ikasturtea Zertaz ari gara hizkuntza-normalizazioaz ari garenean? izenburupeko hitzaldiarekin. Irailaren 27an izango da eguerdiko 12:00etan EHUko Elurreta eraikineko gradu aretoan eta 19:00etan Oihanederreko Ortuño aretoan.
 
17/18 ikasturtea, 6 hizkuntza:

Urritik apirilera bitartean beraz, hilero, hiztun ezberdinek, nor bere hizkuntzan aditua, hizkuntza bat aurkeztuko dute. Saio bakoitzean marko teorikoa eskaintzeaz gain hizkuntzaren oinarrizko kontzeptuak ikasteko tailerrak egingo dira. 

Parte hartze ziurtagiria: 

Saio guztietan (12 ordu) parte hartzen duten pertsonek ZIURTAGIRIA jasoko dute. Horretarako izena eman behar da: hemen.

Hitz Adina Mintzo: 

2015etik hona Europako galiziera, asturiera, aragoiera, katalana, galesera, Irlandako gaelera, gaskoiera eta Guernsey uharteko guernseyera, Amerikako nawatera, quichuera, kaqchikelera, maya yucatekoa eta lenkera, Asiako kurduera eta hokkienera eta Afrikako tamazightera hizkuntzak landu dira.

Beñat Garaio zikloaren gidariak 15/16 ikasturtean zehar landutakoaren birpasa egin zuen Está Pasando en Gasteiz komunikabidean. 

Hokkienera - Asiako hego-ekialdea

Hitz Adina Mintzo Gasteizko Oihaneder Euskararen Etxeak hizkuntza gutxituak ezagutzeko antolatutako zikloa da. Egitasmoak munduko errealitate soziolinguistikoaren perspektiba zabaltzea eta aberastea du helburu, euskarak mapa linguistiko horretan duen tokitik abiatuta. 

16/17 ikasturtean Irlandako gaelera, erdialdeko Amerikako lenkera, aragoiera, Ameriketako hainbat hizkuntza, Asiako hego-ekialdeko hokkienera, katalana eta Guernsey uharteko guernseyera hizkuntzak landu ziren.

2017ko apirileko saioan Asiako hego-ekialdeko hokkienera hizkuntza aurkeztu zuen Sim Tze Wei hizkuntza-ekintzaileak.

Bere garairik onenean hokkienerak Espainiaren biztanle kopurua baino hiztun gehiago zituen eta Txinako hego-ekialdeko kostaldean, Taiwanen eta Asiako hego-ekialdean hitz egiten zen. Geroztik lingua franca bilakatu da Txinaz gaindiko beste lurralde batzuetan, adibidez, Taiwan, Singapur eta Malaisiako zenbat hiritan, baina globalizazioa eta giro politiko txarra tarteko, gainbehera azkarrean doa.

Sim Tze Wei hizkuntza-ekintzailearen eskutik ezagutu genuen hokkienera. Tze Wei Malaisiako hizkuntzalaria eta hokkienera hizkuntzaren mantentzearen aldeko ekintzailea da. Kuala Lunpuren Telekomunikazio Ingeniaritza ikasitakoa, denborarekin hizkuntzekiko pasioa garatu eta Londresera aldatu zen, bertan SOAS unibertsitatean ikasteko.

Geroztik, hizkuntza biziberritzen jarduten du eta Speak Hokkien Campaign egitasmoaren arduraduna da. Kanpainak hokkieneraren transmisioa aldarrikatu eta kaleko erabilera bultzatu nahi du. Horretaz gain, Tze Wei azpidazle eta itzultzailea ere bada, ekialde eta mendebaldearen arteko (kultura) zubi lanak egin asmoz.

Erdialdeko Amerikako lenkera

Hitz Adina Mintzo Gasteizko Oihaneder Euskararen Etxeak hizkuntza gutxituak ezagutzeko antolatutako zikloa da. Egitasmoak munduko errealitate soziolinguistikoaren perspektiba zabaltzea eta aberastea du helburu, euskarak mapa linguistiko horretan duen tokitik abiatuta. 

16/17 ikasturtean Irlandako gaelera, erdialdeko Amerikako lenkera, aragoiera, Ameriketako hainbat hizkuntza, Asiako hego-ekialdeko hokkienera, katalana eta Guernsey uharteko guernseyera hizkuntzak landu ziren.

2017ko martxoko saioan Erdialdeko Amerikako lenkera hizkuntza aurkeztu zuen Alan King hizkuntzalariak.

Lenkeraren egoera berezia da, izan ere, egun hiztunik ez duela esan daiteke. Lenka talde etnikoek bizirik diraute El Salvador eta Hondurasen, baina hizkuntza duela hiru hamarkada desagertu omen zen. Hizkuntzak hil ondoren, ordea, badaude hizkuntzak berpizteko ahaleginak egiten dituztenak. Hori gertatu zen, esaterako, kornubierarekin. Hitz Adina Mintzok momentuan abiatzen ari den lenkeraren berpizte prozesua hurbilduko digu.

Alan King (Lancashire, Ingalaterra, 1954) hizkuntzalari, itzultzaile eta euskalari euskaldunak aurkeztu zuen hizkuntza.  Londreseko Unibertsitatean euskararen inguruan egindako tesiarengatik linguistikan doktorea da King. Kalifornian hainbat urte eman zituen Euskal Herrira etorri aurretik. Ordutik bertan bizi da, eta tarteka Katalunia, Gales eta El Salvadorren ere bizitzen egon da. Azken honetan nawatera hizkuntzaren berreskuratzearen aldeko mugimenduan egin zuen lan eta, hain zuzen ere, hizkuntza hori aurkeztu zuen Hitz Adina Mintzon 2015ean. Hizkuntzen zale amorratua da, batez ere hizkuntza gutxituena, eta ikerkuntza itzultzaile lanarekin uztartzen du. Azkenaldian lenkera hizkuntza berreraikitzen eta berpizten dihardu.

Hitzaldia euskaraz izan zen.

Irlandako gaelera

Hitz Adina Mintzo Gasteizko Oihaneder Euskararen Etxeak hizkuntza gutxituak ezagutzeko antolatutako zikloa da. Egitasmoak munduko errealitate soziolinguistikoaren perspektiba zabaltzea eta aberastea du helburu, euskarak mapa linguistiko horretan duen tokitik abiatuta. 

16/17 ikasturtean Irlandako gaelera, erdialdeko Amerikako lenkera, aragoiera, Ameriketako hainbat hizkuntza, Asiako hego-ekialdeko hokkienera, katalana eta Guernsey uharteko guernseyera hizkuntzak landu ziren.

2017ko otsaileko saioan Irlandako gaelera aurkeztu zuen Patrick Carlin hizkuntzalariak.

Irlandan (Eiren) eta Eskozian (Alban) hitz egiten da gaelera. Hitz Adina Mintzon lehen aldaera zeltikoa aztertu zen, Eirengoa, alegia. XIX.mendeko erdialdera arte hizkuntza osasuntsu zegoen, baina Britaina Handitik banatzean hasi zen irlandarren hizkuntza nazionalaren gainbehera. Gaur egun hizkuntza ofizial bakarra da Eiren (ez, ordea, Ipar Irlandan) eta erakundeen babes handia du. Babes hori gizarte mailan izatea falta du egoerari buelta emateko.

Patrick Carlin ipar-irlandarraren eskutik ezagutu genuen hizkuntza. Carlin soziolinguista eta Cardiffeko Unibertsitateko galesera eskolako kidea da. Azken urte hauetan hizkuntza politikaren arloan aritu da lanean, bereziki galeserazko eta gaelerazko komisarioaren erregulazio-jardueran. 2016an “The Welsh Language Commissioner in context: roles, methods and relationships” izeneko liburuko kolaboratzailea izan zen. Euskal Herria eta Kataluniarekin lotura estua du eta hainbat egonaldi eginak ditu bi lekuetan. 2015ean galesera hizkuntza aurkeztu zuen Hitz Adina Mintzon.

Hitzaldia euskaraz izan zen.

 

 

Guernseyera

Hitz Adina Mintzo Gasteizko Oihaneder Euskararen Etxeak hizkuntza gutxituak ezagutzeko antolatutako zikloa da. Egitasmoak munduko errealitate soziolinguistikoaren perspektiba zabaltzea eta aberastea du helburu, euskarak mapa linguistiko horretan duen tokitik abiatuta. 

16/17 ikasturtean Irlandako gaelera, erdialdeko Amerikako lenkera, aragoiera, Ameriketako hainbat hizkuntza, Asiako hego-ekialdeko hokkienera, katalana eta Guernsey uharteko guernseyera hizkuntzak landu ziren.

2017ko urtarrileko saioan guernseyera aurkeztu zuen Julia Sallabank adituak.  

Guernseyera Mantxako uharteetako bat den Guernsey uhartean hitz egiten den hizkuntza normandiarra da. Irla hauek urteetan zehar mantendu dute Britainiar Koroarekiko autonomia eta hori ere arlo kulturalean nabaritu da: ez dira ez britainiarrak ez frantsesak, baina izan litezke. Gaur egun guernseyera ia ez da irakasten eskoletan eta 5.000 hiztunera ere ez omen da iristen, azken hamarkadan hizkuntzaren aldeko ekimenak abiatu diren arren. 

Julia Sallabank Londresko SOAS Unibertsitateko irakaslea da, hango Hans Rausing Endangered Language Program-en baitan. Guernsey-koa zuen ama eta hortik sortu zitzaion gerora hizkuntza ikasi eta aztertzeko gogoa. Geroztik, guernseyeraren aldeko hamaika ekimenetan jardun da. Ikerlari bezala, hizkuntza biziberritzea eta hizkuntza plangintza eta politika ditu ikergai nagusi, bereziki ikuspegi soziolinguistiko batetik abiatuta. Hizkuntza biziberritzearen esparrua teorizatu gabe dagoela ebatzita, eremu hori ‘intelektualizatzen’ dihardu. Idazle oparoa da eta iaz “Cambridge Handbook of Endangered Languages” argitaratu zuen, Peter Austin adituarekin batera.

Hitzaldia ingelesez izan zen eta euskararako aldi-bereko itzulpen zerbitzua egon zen. Saioak Munduko Hizkuntza Ondarearen UNESCO Katedraren laguntza jaso zuen.

Aragoiera

Hitz Adina Mintzo Gasteizko Oihaneder Euskararen Etxeak hizkuntza gutxituak ezagutzeko antolatutako zikloa da. Egitasmoak munduko errealitate soziolinguistikoaren perspektiba zabaltzea eta aberastea du helburu, euskarak mapa linguistiko horretan duen tokitik abiatuta. 

16/17 ikasturtean Irlandako gaelera, erdialdeko Amerikako lenkera, aragoiera, Ameriketako hainbat hizkuntza, Asiako hego-ekialdeko hokkienera, katalana eta Guernsey uharteko guernseyera hizkuntzak landu ziren.

2016ko abenduko saioan aragoiera landu zen. Aragoiera gaur egun Aragoiko iparraldean, Pirinioen eskualdean hain zuzen, hitz egiten den hizkuntza erromantzea da. Esan liteke tarteko hizkuntza aldaera bat dela eta batzuetan hizkuntza beraren batasuna ere zalantzan jartzen da, azpi-aldaera asko baititu. Aragoin bertan legedia oso zabarra eta lausoa izan da hizkuntzarekiko eta 20.000 hiztun baino gutxiago dituela esaten da.

Iris Orosia Campos Bandrés (Zaragoza, 1989) hizkuntza ekintzailearen eskutik ezagutu genuen hizkuntza.

Iris musikako Irakasle Eskolan lizentziatua eta Giza Zientzietan lizentziatua da  Zaragozako unibertsitatean, zeinetan aragoierar Filologia espezializatean irakasle lanetan dabilen. Gaur egun doktoretza egiten ari da UNIZAR-en eta bertan aragoieraren irakaskuntza aztertzen ari da. Aragoieraren irakaskuntza diseinatzeko hainbat egitasmotan hartu du parte, 2013an esaterako El aragonés en el siglo XXI txostena idatzi zuen beste egile batzuekin batera. Idazle oparoa da baita Ambistas/Anvistas dokumentaleko zuzendari eta sortzailea. 

Hitzaldia aragoieraz izan zen.

Katalana

Hitz Adina Mintzo Gasteizko Oihaneder Euskararen Etxeak hizkuntza gutxituak ezagutzeko antolatutako zikloa da. Egitasmoak munduko errealitate soziolinguistikoaren perspektiba zabaltzea eta aberastea du helburu, euskarak mapa linguistiko horretan duen tokitik abiatuta. 

16/17 ikasturtean Irlandako gaelera, erdialdeko Amerikako lenkera, aragoiera, Ameriketako hainbat hizkuntza, Asiako hego-ekialdeko hokkienera, katalana eta Guernsey uharteko guernseyera hizkuntzak landu ziren.

2016ko azaroan katalana landu zen. Katalana mediterraneoaren hegoaldean hitz egiten den hizkuntza erromantzea da, Aragoiko Koroaren loraldiarekin batera Europan bere lekua egin zuena. Geroztik, hizkuntza-komunitate katalan anitzak hainbat egoera eta sasoi ezberdin ezagutu ditu, eta gaur egun ere oso ezberdina da katalana hitz egiten den toki guztietan hizkuntzak duen babesa eta osasuna.

Gasteizen euskara irakasle lanetan diharduen Jordi Serra Geli (1976, Girona) eta katalana ikasi duen Pello Ramirez de la Piscina izan genituen gonbidatu.

Jordi Serra Geli (1976, Girona) gaztetan batxilergoa egiten zebilela, euskara aurkitu zuen irakurraldietako batean eta ikastea erabaki zuen; harrez geroztik hura ikasten ibili da han-hemenka, baina batez ere Bizkaian. Batxilergoa amaituta, filologia klasikoa egiten hasi zen, Bartzelonan, eta amaitu zuenean Euskal Herrira bizitzera etortzea erabaki zuen. 2001an heldu zen Gasteizera, eta ordutik Gasteizen jarraitu du gaur egunera arte. Ogibidez euskara irakaslea da, IKA euskaltegian, eta denbora duenean  hizkuntza eta literatura katalanak ikasteari ekiten dio, UOC-en bidez. 

Pello Ramirez de la Piscina euskara irakaslea da baita ere eta pasa dira urteak katalana ikasten hasi zenetik.

Gaur egun, beste hainbat lagunekin batera astero elkartzen dira Gasteizko taberna batean katalanez mintzatzeko. 

Hona hemen hitzaldia bideoan:

 

 

 

 

 

 

 

 

Quichuera, kaqchikelera eta maya yucatekoa

Hitz Adina Mintzo Gasteizko Oihaneder Euskararen Etxeak hizkuntza gutxituak ezagutzeko antolatutako zikloa da. Egitasmoak munduko errealitate soziolinguistikoaren perspektiba zabaltzea eta aberastea du helburu, euskarak mapa linguistiko horretan duen tokitik abiatuta. 

16/17 ikasturtean Irlandako gaelera, erdialdeko Amerikako lenkera, aragoiera, Ameriketako hainbat hizkuntza, Asiako hego-ekialdeko hokkienera, katalana eta Guernsey uharteko guernseyera hizkuntzak landu ziren.

2016ko urrian Ameriketako hizkuntzen saioan Garabideren Hizkuntza Biziberritzeko Estrategiak Aditu Tituluko hainbat partaide izan genituen gonbidatu.

Zehazki, Ekuadorreko Otavalo herriko María Venancia Yamberla Moránek Argentina, Txile, Bolivia, Ekuador eta Perun hitz egiten den quichueraz mintzatuko zen. Maria Wiñay Kawsay astekariko zuzendaria da.

Alba Velasquez bere aldetik kaqchikelera hiztuna da, Guatemalako maya hizkuntzetako bat. Iximche hirian bizi da eta bertako Ixmukane eskolako zuzendaria da.

Horrez gain, José Ángel Koyocen eskutik Maya yucatekoa ezagutu genen, Mesoamerikan mintzo den maya aldaeretako bat.  Jose Ángel Mexikoko Yucatán estatuko Halachóko herrikoa da eta Radio Yúuyum irrati mayako kidea.

Jarraian Ameriketako quichuera, kaqchikelera eta maya yucatekoaren aurkezpena ikusgai:

Nola akatzen dira hizkuntzak

16/17 ikasturteko egitaraua EHUko Letren Fakultatean eta Oihanederren aurkeztu zen irailaren 21ean. 

Egitaraua aurkeztearekin batera Carme Junyent hizkuntzalari katalanak “Nola akatzen dira hizkuntzak” hitzaldia eman zuen Junyentek ziurtatu zuenez “hizkuntza baten heriotza ez da sekula ematen arrazoi linguistikoengatik, hilketa bat da”. Hizkuntza ordezkapen edo heriotzaren prozesuek dituzten hiru faseak izan zituen hizpide katalanak; komunitatea elebidun bihurtzea, transmisioa etetea eta hizkuntzaren heriotza, alegia. “Gizartearen elebitasuna ezinbestekoa da hizkuntza baten heriotza prozesuan” azpimarratu zuen. Adituak emandako datuen arabera, munduko hizkuntzen %40 lehen fasean dago. Beste % 40 jada ez da transmititzen eta hizkuntzen %10 azken hiztunak baino ez dituzte. “Gizadiaren sorreratik hona 100.000 hizkuntza hitz egin dira munduan. Egun 6000-7000 artean daude bizirik eta horietatik erdia baino gutxiago helduko da 22. mendera” gaineratu zuen.

Hitz Adina Mintzoko 2016-2017 ikasturteko saio guztietan (12 ordu) parte hartzen duten pertsonek ZIURTAGIRIA jasoko dute. Horretarako izena eman behar da: hemen.

Hona hemen 2016-2017 ikasturteko aurkezpenean Carme Junyentek esandakoa jasotzen duten bideoak:  

Gaskoiera

Hitz Adina Mintzo Oihaneder Euskararen Etxeak hizkuntza gutxituak ezagutzeko garatzen duen zikloa da. Egitasmoak munduko errealitate soziolinguistikoaren perspektiba zabaltzea eta aberastea du helburu, euskarak mapa linguistiko horretan duen tokitik abiatuta. 

Horiek horrela, hilero hizkuntza gutxitu bat aurkezten da eta hizkuntzaren ezaugarriak, kokapena, egoera soziolinguistikoa eta berezitasunak hurbiltzeaz gain, hizkuntza horren hiztunekin ekintza desberdinak garatzen dira. Horrez gain, hizkuntzarekin lotutako ekitaldi kulturala (kontzertua, proiekzioa…) ere egiten da.

15/16 ikasturtea 2015eko irailean aurkeztu zen Andoni Barreña eta Séchu Senderen eskutik eta galiziera izan zen landutako lehen hizkuntza, urrian. Azaroan El Salvadorreko nawatera landu zen, abenduan galesera, urtarrilean asturiera eta otsailean tamazightera.

2016ko martxoan gaskoieraren txanda izan zen, hizkuntza-talde okzitaniarren barnean dagoen aldaera. Bereziki Frantziako Pirineo aldeko eskualdean hitz egiten da, Euskal Herriko zenbait txokotan barne eta Araneko bailaran hitz egiten den aldaerarekin harreman zuzena du. 

Euskal eta gaskoi hiztuna den Franck Dolosor kazetariak aurkeztu zuen hizkuntza.  Ekitaldi kulturalean  Jean Baudoin eta Andoni Ezeiza musikariek Gaskoniako doinu, erritmo eta musika-tresnetan oinarritutako ibilbidea egin zuten.

Jarraian gaskoieraren aurkezpena dago ikusgai:

 

  

  

Tamazightera

Hitz Adina Mintzo Gasteizko Oihaneder Euskararen Etxeak hizkuntza gutxituak ezagutzeko garatzen duen zikloa da. Egitasmoak munduko errealitate soziolinguistikoaren perspektiba zabaltzea eta aberastea du helburu, euskarak mapa linguistiko horretan duen tokitik abiatuta. 

Horiek horrela, hilero hizkuntza gutxitu bat aurkezten da eta hizkuntzaren ezaugarriak, kokapena, egoera soziolinguistikoa eta berezitasunak hurbiltzeaz gain, hizkuntza horren hiztunekin ekintza desberdinak garatzen dira. Horrez gain, hizkuntzarekin lotutako ekitaldi kulturala (kontzertua, proiekzioa…) ere egiten da.

Zikloa irailean aurkeztu zen Andoni Barreña eta Séchu Senderen eskutik eta galiziera izan zen aurkeztutako lehen hizkuntza, urrian. Azaroan El Salvadorreko nawatera landu zen, abenduan galesera eta urtarrilean asturiera. 

2016ko otsailean tamazighteraren txanda izan zen. Tamazightera herri amazightaren hizkuntza da, bereber bezala ezagunagoak. Afrika ipar-mendebaldeko herri honek hainbat hizkuntza ditu eta tamazightera da horietako bat 3.600.000 ingururekin.  

El Kaissa Ould Braham idazle eta itzultzaileak aurkeztu zuen hizkuntza. Ekitaldi kulturalean Arrhash (Pozoia) dokumentala proiektatu zen, Rif-eko gudari buruzko lana.  

Jarraian tamazighteraren aurkezpena dago ikusgai:

 

Asturiera

Hitz Adina Mintzo Gasteizko Oihaneder Euskararen Etxeak hizkuntza gutxituak ezagutzeko garatzen duen zikloa da. Egitasmoak munduko errealitate soziolinguistikoaren perspektiba zabaltzea eta aberastea du helburu, euskarak mapa linguistiko horretan duen tokitik abiatuta. 

Horiek horrela, hilero hizkuntza gutxitu bat aurkezten da eta hizkuntzaren ezaugarriak, kokapena, egoera soziolinguistikoa eta berezitasunak hurbiltzeaz gain, hizkuntza horren hiztunekin ekintza desberdinak garatzen dira. Horrez gain, hizkuntzarekin lotutako ekitaldi kulturala (kontzertua, proiekzioa…) ere egiten da.

Zikloa irailean aurkeztu zen Andoni Barreña eta Séchu Senderen eskutik eta galiziera izan zen aurkeztutako lehen hizkuntza, urrian. Azaroan El Salvadorreko nawatera landu zen eta abenduan galesera.

2016ko urtarrilean asturieraren txanda izan zen. Asturiera asturleonera hizkuntza-taldearen mintzorik hedatuena da. Gaur egun, batez ere Asturiasen hitz egiten da eta 300.000 hiztun inguru ditu. Academia de la Llingua Asturianak araututa, sasi-ofizialtasun batean oinarritutako lege babesa du. Hori dela eta bertako hainbat eragile buru-belarri ari dira ofizialtasunaren aldeko aldarrikapenarekin.

Xunta Pola Defensa de la Llingua Asturiana (XDLA) mugimenduko Anxel del Río eta  Iniciativa pol Asturianuko Inaciu Galán y Gonzalezek aurkeztu zuten hizkuntza. Hurrengo egunean  Corzobeyos folk talde asturiarrak kontzertua eskaini zuen.

Jarraian asturieraren aurkezpenaren inguruko bideoak daude ikusgai:

Galesera

Hitz Adina Mintzo Gasteizko Oihaneder Euskararen Etxeak hizkuntza gutxituak ezagutzeko antolatu duen zikloa da. Egitasmoak munduko errealitate soziolinguistikoaren perspektiba zabaltzea eta aberastea du helburu, euskarak mapa linguistiko horretan duen tokitik abiatuta. 

Horiek horrela, hilero hizkuntza gutxitu bat aurkezten da eta hizkuntzaren ezaugarriak, kokapena, egoera soziolinguistikoa eta berezitasunak hurbiltzeaz gain, hizkuntza horren hiztunekin ekintza desberdinak garatzeno dira. Horrez gain, hizkuntzarekin lotutako ekitaldi kulturala (kontzertua, proiekzioa…) ere egoten da.

2016ko abenduaren 15ean galeseraren txanda izan zen eta  Patrick Carlin izan genuen gurean, Caerdydd-eko Unibertsitateko Galesera Eskolako kidea. 

Hurrengo egunean Gai Toms-en kontzertua izan genuen, baita Crescendo abesbatza gasteiztarraren erakustaldia.

Hementxe dituzue lehenengo eguneko bideoak:

Andoni Barreña & Sechu Sende

Hitz Adina Mintzo Gasteizko Oihaneder Euskararen Etxeak hizkuntza gutxituak ezagutzeko garatzen duen zikloa da. Egitasmoak munduko errealitate soziolinguistikoaren perspektiba zabaltzea eta aberastea du helburu, euskarak mapa linguistiko horretan duen tokitik abiatuta. 

Horiek horrela, hilero hizkuntza gutxitu bat aurkezten da eta hizkuntzaren ezaugarriak, kokapena, egoera soziolinguistikoa eta berezitasunak hurbiltzeaz gain, hizkuntza horren hiztunekin ekintza desberdinak garatzen dira. Horrez gain, hizkuntzarekin lotutako ekitaldi kulturala (kontzertua, proiekzioa…) ere egiten da.

15/16 ikasturtea 2015eko irailean aurkeztu zen Andoni Barreña eta Séchu Senderen eskutik eta galiziera izan zen landutako lehen hizkuntza, urrian. Azaroan El Salvadorreko nawatera landu zen, abenduan galesera, urtarrilean asturiera eta otsailean tamazightera.

 

Esan bezala, 15/16 ikasturtearen aurkezpen ekitaldian, 2015eko irailean, Andoni Barreña Garabideko kidea eta euskal katedraduna eta Séchu Sende galiziar soziolinguista eta idazlea izan genituen.

Hemen aurkezpenaren bideoak: